|
|
БУРЯАД РЕСПУБЛИКА
ХУУЛИ
Буряад Республикын гүрэн түрын гимн тухай
Буряад Республикын Арадай Хурал 1995 оной апрелиин 20-до баталан абаа
(2007 оной мартын 14-нэй № 2108-III Буряад Республикын Хуулиин найрулга)
Тус Хуули Буряад Республикын гүрэнэй албан ёһоной һүлдэ тэмдэг, тэрэнэй хүгжэм найруулга, Гүрэнэй гимн, тэрэнэй удха, хуули ёһоной зэргэ, ёһо cooнь гүйсэдхэхэ гурим тогтоогдог.
Статья 1. Буряад Республикын Конституциин 107 статьягай ёһоор Д.З. Жалсараевай үгэ дээрэ хүгжэм найруулагша А.А. Андреевэй «Эхэ нютаг тухай» дуунай үндэһэн дээрэ бэшэгдэһэн Буряад Республикын гүрэнэй гимнын хүгжэмэй найруулга ба үгэнүүдынь баталха, 2-дохи хабсаргалтын ёһоор.
(2007 оной мартын 14-нэй № 2108-III Буряад Республикын Хуулиин найруулга)
Буряад Республикын гүрэнэй гимн оркестрэй, хоорой, оркестр хор хоёрой, үгы гэбэл ганса хүнэй ба хүгжэмэй зэмсэг дээрэ гүйсэдхэжэ болодог. Тиихэдэ абяа буулгаха миндаһа хэрэглэжэ болоно. Хүгжэмэй зэмсэг дээрэ нэгэ бадаг гүйсэдхэжэ болоно.
(2007 оной мартын 14-нэй № 2108-III Буряад Республикын Хуулиин найруулга)
Буряад Республикын гимн тус хууляар баталагдаһан буряад ба ород хэлэнүүд дээрэ дуунай үгын ба хүгжэмэй ёһо соо гүйсэдхэгдэдэг.
Статья 2. Буряад Республикын гүрэнэй гимн баяр ёһолой үедэ зэдэлдэг:
− Буряад Республикын туг үргэжэ мандуулхада;
− Буряад Республикын Президентын тушаалдаа ороходо – тэрэнэй тангариг үгэһэнэй удаа;
(2007 оной мартын 14-нэй № 2108-III Буряад Республикын Хуулиин найруулга)
− Буряад Республикын Арадай Хуралай сессиин эхилхэдэ ба дүүрэхэдэ;
Буряад Республикын гимн гүйсэдхэжэ болодог:
(2007 оной мартын 14-нэй № 2108-III Буряад Республикын Хуулиин найруулга)
− республикын ажабайдалда түүхэтэ үйлэ хэрэгүүдтэ зоруюлагдаһан хүшөө барилгануудые, Буряад Республикын политикын, гүрэнэй, сэрэгэй ажал ябуулагшадай, эрдэмэй, литературын ба урлалай ажал ябуулагшадай дурасхаалай самбар нээлгэдэ;
− Буряад Республикын гүрэнэй шан гардуулхада;
− албан хэрэгээр Буряад Республика ерэһэн гадаадын гүрэнүүдэй ба засагай газарай толгойлогшонорые угтаха үдэшэхэдэ; иимэ ушарта Буряад Республикын гүрэнэй гимн тус гүрэнэй гимн гүйсэдхэһэнэй удаа гүйсэдхэгдэдэг;
− Буряад Республикын гүрэнэй баярай үдэртэ зорюулагдаһан ёһололой суглаа нээлгэ ба хаалгада;
− гүрэнэй зургаануудай, нютагай өөһэдын хүтэлбэриин зургаануудай, мүн баһа гүрэнэй ба гүрэнэй бэшэ эмхинүүдэй үнгэргэдэг баяр ёһололой үедэ.
(энэ мүр 2007 оной мартын 14-нэй № 2108-III Буряад Республикын Хууляар оруулагдаа)
Статья 3. Буряад Республикын гүрэнэй гимнын олоной үмэнэ зэдэлхэдэ, байгшад бодоод байдаг, эрэгтэй хүнүүд – малгайгаа абадаг.
Статья 4. Буряад Республикын гүрэнэй гимн теле-радио нэбтэрүүлгын эмхинүүд дамжуулдаг:
(2007 оной мартын 14-нэй № 2108-III Буряад Республикын Хуулиин найруулга)
− республикын телевидениин дамжуулгануудта – гүрэнэй баярай үдэрнүүдтэ: радиодамжуулгануудта – үдэр бүри республикын программын эхин дээрэ нэгэ бадаг.
Статья 5. Хүсөө буураа. - 2007 оной мартын 14-нэй № 2108-III Буряад Республикын Хуули.
Статья 6. Хилын саана албанай арга хэмжээ үнгэргэхэдөө, Буряад Республикын Гүрэнэй гимн гүйсэдхэлгэ ошоһон гүрэн хараада абан ба тус хуули дээрэ үндэһэлэн Буряад Республикын Правительствын тогтооһон дүримэй ёһоор бэелүүлэгдэдэг.
Статья 7. Хүсөө буураа. - 2007 оной мартын 14-нэй № 2108-III Буряад Республикын Хуули.
Статья 8. Буряад Республикын гүрэнэй гимн гүйсэдхэхэдэ, тогтоогдоһон эрилтэнүүдые дүүргэлгын хойноһоо харюусалга тус арга хэмжээ үнгэргэһэн гүрэнэй засагай зургаанай ба нютагай өөһэдын хүтэлбэриин зургаанай, эмхинүүдэй хүтэлбэрилэгшэд даадаг.
(2007 оной мартын 14-нэй № 2108-III Буряад Республикын Хуулиин найруулга)
Статья 9. Тус Хуули албан ёһоор толилогдоһон үдэрһөө хүсэндөө орохо.
Буряад Республикын Президент
Л.В. Потапов
Улаан-Үдэ хото
1995 оной апрелиин 20
№ 121-I
«Буряад Республикын гүрэн түрын гимн тухай» Буряад Республикын Хуулида 2-дохи хабсаргалта
Буряад Республикын гүрэн түрын гимнын үгэ (2007 оной мартын 14-нэй № 2108-III Буряад Республикын Хууляар оруулагдаа)
Хүгжэмынь А.А. Андреевэй
Үгэнь Д.З. Жалсараевай
Yнгын дайдаар, хангай тайгаар нэмжыгшэ
Yлзы Буряад, манай нангин үлгы.
Сэлмэг сарюун, сэнхир номин шарайшни
Сэдьхэлдэмнай хэзээдэшье зулгы.
Эрхим хангал санзай шэнги агаарташ
Эршэ хүсөө элсүүлэнгүй яалайб!
Эмтэй домтой мүнхын уhан аршаандаш
Эльгэ зүрхөө хүртүүлэнгүй яалайб!
Холын замда эхын ёhоор юрөөжэ,
Хүмүүн зондоо хэтын жаргал хүсөөш.
Саяан хадын сэлгеэн амяар арюудхан,
Байгал далайн гэгээн долгёор сүршөөш.
Шэрүүн сагай ерээшье hаа дэлхэйдэ,
Шинии заяан замhаа хадуурхагүйл.
Эбтэй дорюун бүлын ёhоор жаргыш даа,
Энхэ Буряад - манай нангин үлгы.
Эхэ нютаг!
|
|
