Буряад | Русский
Народный Хурал Республики Бурятия






Буряад Республикын Арадай Хуралай Түрүүлэгшэ

ГЕРШЕВИЧ МАТВЕЙ МАТВЕЕВИЧ
Намтар
1948 оной февралиин 28-да түрөө.
Баргажанай аймагай Улан нютаг гаралтай.
1970 ондо Свердловскын юристын институт «хуули ёһо» гэһэн мэргэжэлээр дүүргэһэн.
1970 онһоо Хяагтын аймагай прокуратурын мүрдэгшэ.
1973 онһоо 1974 он болотор сэрэгэй алба татаа.
1974 онһоо Буряадай АССР-эй прокуратурын мүрдэлгын таһагай прокурор.
1975 онһоо Түнхэнэй аймагай прокурор.
1979 онһоо 1987 он болотор Буряад Республикын прокуратурын юрэнхы хиналтын таһагай дарга.
1987 онһоо 1992 он болотор республикын прокуророй орлогшо – мүрдэлгын захиргаанай дарга.
1992 онһоо 2007 он болотор Буряад Республикын прокуророй нэгэдэхи орлогшо.
Албан ажалдаа һайн ажаллаһанай түлөө М.М. Гершевич шагнагдаа гэбэл:
1982 ондо – Буряадай АССР-эй Верховно Соведэй Президиумэй Хүндэлэлэй грамота;
1984 ондо – «Байгал-Амарай зам бариһанай түлөө» медаль;
1994 ондо – «Россиин Федерациин Прокуратурын хүндэтэ ажалшан» энгэрэй тэмдэг;
2006 ондо – нэрэтэ буу барюулагдаа;
2007 ондо – «Прокуратурын ветеран» медаль.
СССР-эй, РСФСР-эй, Россиин Федерациин ба Буряад Республикын Прокурорнуудай магтаалда нэгэтэ бэшэ хүртэһэн.
Хүндэтэ нэрэ зэргэнүүд олгогдоо:
1991 ондо – «Буряадай АССР-эй габьяата юрист»;
1997 ондо – Россиин Федерациин габьяата юрист».
2007 оной декабрь һарада Баргажанай аймагай дэбисхэртэ ородог 30 дугаар һунгуулиин нэгэ мандадтай тойрогоор Буряад Республикын Арадай Хуралай IV зарлалай депутатаар һунгагдаа. Буряад Республикын Арадай Хуралай IV зарлалай I сесси дээрэ Буряад Республикын Арадай Хуралай Түрүүлэгшээр һунгагдаа.
Арадай Хуралай түрүүлэгшын сайт http://chairman.buryatia.ru

Ёһо заршам

Мэргэжэлээ нарижуулга. Минии бодоходо, хуули гаргалгын засагай толгойлогшо нэн түрүүн хуули ёһоной гүнзэгы мэдэсэтэй ба хуули ёһоной талаар ехэ соёл болбосоролтой байха ёһотой, юундэб гэхэдэ, тиимэ шанар амжалтатай хуули гаргалгын мэргэжэлтэ ажал ябуулгада хэрэгтэй. Мүнөөнэй нүхэсэлдэ хуулинууд ходо һэлгэнэ, тэдэ хубилалтануудые ходо үзэжэ байха хэрэгтэй. Тиимэһээ мүнөөнэй эрхэ нүхэсэлдэ ниитын харилсаа хуули ёһоной талаһаа гуримшуулга һайн мэдэлгэ юридическэ мэдэсын үндэһэн гэжэ тоолоноб. Юрист һэн тула минии мэргэжэлэйм заршам – хуули ёһоной һэлгэлтэ ходо мэдэжэ байлга.
Политикын талаар тэсэбэритэй байлга. Хуули гаргалгын засагай ашаг үрэтэй ажал политическэ һанал нэгэн шиидхэбэри гаргажа шадаха арга боломжоһоо сэхэ дулдыдадаг, юундэб гэхэдэ, иимэ гүрэнэй эмхи зургаан болодог парламентда нэгэ асуудалаар гү, али ямар нэгэ асуудалаар элдэб политическэ хүсэнүүд ба һанамжанууд мүргэлдэжэ байдаг. Тиимэһээ парламентын спикерэй ажал өөрын онсо илгаатай – ехэ тэсэбэри хэрэгтэй ба хуулиин проектоор элдэб зүрилдөө зүб тээшэнь шиидхэхэ, тиихэдэ хуули ёһоной ба политическэ хэмжээн соо үгэ хаялсаанда ехэ тэсэбэритэй байха гэжэ ходо һанажа байха хэрэгтэй. Ниитэдэ хэрэгтэй хуулинуудые абаха арга бэдэрхэ хэрэгтэй гэжэ спикер мэдэжэ байха ёһотой.
Олоороо хэлсэлгэ ба арадшал үзэл суртал. Хуули гаргалгын засагай ажалай гол ёһо заршам хадаа олоороо хэлсэжэ зүбшэлгэ мүн. Спикерэй зорилго – нютаг можын парламентда хууляар даалгагдаһан өөрын үүргэ бэелүүлгэ ба ниитын ашаг талада  тон ашаг үрэтэй ажал эмхидхэлгэ.
Эндэ нэрлэгдэһэн заршамууд тон нягта холбоотой ба ами аминдаа хаража үзэгдэхэгүй. Иимэ заршамуудые баримталга өөрын һанаһанһаа дулдыдангүй, минии эрхэтэн хүнэй, депутадай ба республикын парламентын түрүүлэгшын политикын ёһо заршам болодог.


 
Буряад Республикын Арадай Хуралай Түрүүлэгшын орлогшонор

КОРЕНЕВ АЛЕКСАНДР СТЕПАНОВИЧ

Буряад Республикын Арадай Хуралай дүрбэдэхи зарлалай депутат, Буряад Республикын Арадай Хуралай Түрүүлэгшын орлогшо.
«Ниитэ нэгэ Росси» политическэ партиһаа һунгуулиин нэгэдхэмэл тойрогоор һунгагдаһан.
Түрэһэн һара үдэр ба газар: 1947 оной октябриин 14, Буряад Республикын Кабанскын аймагай Култушная үртөө.
Һуралсал: дээдэ мэргэжэлэй, Омскын түмэр замай транспортын инженернүүдэй институт, техникын эрдэмэй кандидат.
Ажалай намтар:
1965 – 1969 онууд – ЛВРЗ-н слесарь;
1969 – 1972 онууд – Омскын түмэр замай транспортын институдэй оюутан;
1972 – 1986 онууд – ЛВРЗ-н мастер, ахалагша мастер, цехэй дарга, ЛВРЗ-н үйлэдбэриин даргын орлогшо;
1986 – 1999 онууд – Улаан-Үдын ЛВРЗ-н директор;
1999 – 2007 онууд – Улаан-Үдын түмэр замай колледжын, институдэй директор.
Шагналнууд ба нэрэ зэргэнүүд:
Хани барисаанай орден;
В.И. Ленинэй 100 жэлэй ойдо «Эрэлхэг ажалай түлөө» медаль;
Трансибэй 100 жэлэй ойн медаль;
«Россиин профсоюзуудта 100 жэл» медаль;
«Хүндэтэ түмэр замай ажалшан» тэмдэг;
«Россиин Федерациин транспортын хүндэтэ ажалшан» тэмдэг;
«Монголой түмэр замай тэргүүн ажалтан» тэмдэг;
«Түмэр замай федеральна транспортда жэншэдгүй ажалһанай түлөө. 30 жэл» тэмдэг;
«Россиин Федерациин транспортын габьяата ажалшан» хүндэтэ нэрэ зэргэ;
«РФ-н дунда мэргэжэлэй һуралсалай габьяата ажалшан» хүндэтэ нэрэ зэргэ;
«Буряадай АССР-эй габьяата инженер» хүндэтэ нэрэ зэргэ;
«Буряад Республикын һуралсалай габьяата ажалшан» хүндэтэ нэрэ зэргэ;
Буряад Республикын Арадай Хуралай хүндэлэлэй грамота;
Буряад Республикын хүндэлэлэй грамота;
2006 онйо, 2007 оной «Эрхим директор» энгэрэй тэмдэг.
Буряад Республикын Верховно Соведэй депутат; Буряад Республикын Арадай Хуралай нэгэдэхи, гурбадахи ба дүрбэдэхи зарлалай депутат.
А.С. Коренев Арадай Хуралай Хороонуудай зүблөөнүүдтэ, Буряад Республикын Арадай Хуралай сессинүүдтэ эдэбхитэйгээр хабаададаг, Кабанскын аймагай нютагай сэлеэнүүдэй толгойлогшонортой ажал хэдэг, ажалай нүүдэл суглаануудта хабаададаг, һунгагшадые хүлеэн абадаг, ажалшадтай, наймаа эрхилэгшэдтэй уулзадаг – хүн зоной шухала асуудалнуудые: ажалгүй байлгын, зоной эмнэлгын туһа хангамжын, милициин ажалай, хүүгэдэй сэсэрлигүүдые ба һургуулинуудые заһабарилгын асуудалнуудые шиидхэдэг. Тэрэнэй нэрэ дээрэ хубиин ба албан ёһоной эрхэтэдэй хандалганууд ородог, тэдэнээр ажал хэгдэдэг: гүрэнэй байгуулгануудта ба гүйсэдхэхы засагай зургаанудта, нютагай өөһэдын хүтэлбэриин зургаануудта депутадай асуултанууд эльгээгдэг, мүн баһа хэрэгтэй тайлбари ба дурадхалнууд үгтэдэг.
2002 онһоо А.С. Коренев – «Ниитэ нэгэн Росси» партиин Улаан-Үдын нютагай Политсоведэй секретарь. «Ниитэ нэгэн Росси» Буряадай нютагай таһагай Президиумэй гэшүүн.



БАТУЕВ ЦЫДЕНЖАП БИМБАЕВИЧ

Буряад Республикын Арадай Хуралай дүрбэдэхи зарлалай депутат, Буряад Республикын Арадай Хуралай Түрүүлэгшын орлогшо.
Һунгуулиин нэгэ мандадтай 9 дүгээр тойрогоор һунгагдаһан.
Түрэһэн һара үдэр ба газар: 1956 оной декабриин 13, Буряад Республикын Улаан-Үдэ хото.
Һуралсал: дээдэ мэргэжэлэй (БГПИ), түүхын эрдэмэй кандидат .
Ажалай намтар:
1978 – 1980 онууд – багша, һургуулиин завуч.
1980 – 1994 онууд – РК ВЛКСМ-эй секретарь, II секретарь, I секретарь, РК КПСС-эй эмхидхэлэй таһагай даагша, ВЛКСМ-эй областной Комитедэй I секретарь, Буряад Республикын Залуушуулай союзай I секретарь, Буряадай АССР-эй Верховно Соведэй XII зарлалай депутат.
1994 – 1998 онууд – Ивалгын аймагай захиргаанай толгойлогшын I орлогшо.
1998 – 2002 онууд – Буряад Республикын Арадай Хуралай гүрэнэй байгуулгын, нютагай өөһэдын хүтэлбэриин ба хуулиин талаар хорооной түрүүлэгшэ.
2002 – 2007 оной декабрь болотор – Буряад Республикын Арадай Хуралай бюджедэй, налогой, сангай ба банкын талаар хорооной түрүүлэгшын орлогшо.
2007 оной декабрьһаа мүнөө болотор – Буряад Республикын Арадай Хуралай Түрүүлэгшын орлогшо.
Буряад Республикын Арадай Хуралай хоёрдохи, гурбадахи ба дүрбэдэхи зарлалай депутат.
Шагнал ба нэрэ зэргэнүүд:
1. «Буряад Республикын һуралсалай габьяата ажалшан»;
2. «ФНПР-тэ 100 жэл» медаль;
3. Буряад Республикын Хүндэлэлэй грамота;
4. Буряад Республикын Арадай Хуралай Хүндэлэлэй грамота.
Буряадай АССР-эй Верховно Соведэй XII зарлалай (һүүлшын зарлалай) депутат байхадаа, республикын гүрэнэй байгуулга тухай гол шухала хуулинуудые зохёон абалгада хабаадаа: Буряад Республикын Конституци, «Буряад Республикын Арадай Хурал тухай», «Буряад Республикын Правительство тухай», «Конституционно Сүүд тухай», «Нютагай өөһэдын хүтэлбэриин зургаан тухай» болон бусад хуули.
Буряад Республикын Арадай Хуралай хоёрдохи зарлалда Гүрэнэй байгуулгын, нютагай өөһэдын хүтэлбэриин ба хуулиин талаар хороондо хүдэлжэ байхадаа, федеральна хуулинуудта нютаг можын хуулита шиидхэбэринүүдые зохилдуулха талаар эхи захатай ажал ябуулаа, нютагай өөһэдын хүтэлбэриин зургаануудай ажалай дүршэл андалдалга ба тобшололго эдибхитэйгээр ба хэдэн талаһаань эмхидхээ, түлөөлэлгэтэ зургаануудай совет байгуулхада үүсхэл гаргаа. Хуули гаргалгын ба нютагай түлөөлэлгэтэ зургаануудай гэшүүдэй зэргэ үргэхэ ба бата бэхи болгохо, нютагай ба республикын зургаануудай хоорондын ашаг тала зүб тээшэнь болгохо, аймагуудай социально-экономикын байдал хараада абан хүн аманай тоогоор сан һомололгын асуудалда ехэ анхарал хандуулжа байгаа.
Тэрэнэй дэмжэлгээр республикын бюджедэй бүридэлдэ заха холо оршодог ба саг уларил, харгы замай байдал хараада абаһан «Заха холын аймагуудай жаса» байгуулагдаа, Буряад Республикада бюджедэй ябаса хүгжөөлгын ерээдүйн гол бодомжо хангаха гэһэн «Бюджедүүд хоорондын харилсаан тухай», «Гүрэнэй социальна ба сангай  доодо захын хэм хэмлэл тухай» хуулинууд дээрэ ажаллаа.
Буряад Республикын Арадай Хуралай Түрүүлэгшын орлогшо һэн тула  Ц.Б. Батуев газарай асуудалнуудай, хүдөө ажахын ба хэрэглэгшэдэй дэлгүүрэй хорооной, социальна политикын Буряад Республикын Арадай Хуралай хороонуудай ажал; Буряад Республикын Арадай Хуралай хуулиин проектнүүдые түсэблэлгын ажал ябуулга; Буряад Республикын Арадай Хуралай доторой дүрим сахилга; Арадай Хуралай сессинүүдтэ, Арадай Хуралай Соведэй зүблөөнүүдтэ, Арадай Хуралда ниитын ба парламентын дуу шагнаха суглаануудые, дүхэриг шэрээнүүдые үнгэргэлгэ залан хүтэлдэг.
«Ниитэ нэгэн Росси» бүхэроссиин политическэ партиин гэшүүн.

Интернет хүлеэн абалга
Сайт хэрэглэжэ электрон аргаар эльгээгдэһэн хандалганууд 2006 оной майн 02-ой № 59-ФЗ «Россиин Федерацида эрхэтэдэй хандалга хаража үзэлгын гурим тухай» Федеральна хуулиин ёһоор хаража үзэгдэдэг.
Хандалгада харюу хэлхеэ холбоогоор анкетэдэ заагдаһан хаягаар эльгээгдэдэг.
Автор тухай мэдээнүүдэй (фамили, нэрэ обог, байдаг газар) заагдаагүй хандалгануудта харюу үгтэдэггүй (2006 оной майн 2-ой № 59-ФЗ Федеральна хуулиин 11 статья).

Администратор сайта "Буряад Республикын Арадай Хуралай": hural@icm.buryatia.ru